圍棋傳統要猜子*分先後，不過依家比賽時通常由賽會決定先後。行先用黑棋，行後用白棋，棋要放係交叉點上面。
例如右圖嘅黑棋，有ABCD四個出口，咁我哋就會話黑棋有四氣。
一堆棋無哂氣就會被人拎走，不過數氣有幾樣嘢要注意：
- 圍棋只計上下左右有無出口，唔會計斜線。
- 圍棋可以貼邊行，但係會比較容易死。例如右圖有三堆棋，都係兩隻痴住，不過A有五氣，B有四氣，C貼哂兩邊就只有三氣。氣越少就越快死，所以最外邊亦會稱為「死亡線」。
- 即使係外面包住哂，入面有氣就唔會被人拎走。
- 行棋時，係先計「你能唔能夠食人」，再計「你會唔會被人食」。例如右圖黑棋仲有一口氣，白棋如果放係E位，就會將黑棋五隻全部食哂。如果黑棋放係E位，會累自己人都冇氣，所以係犯規嘅，依個點叫「禁著點」
- 一塊棋圍住兩隻眼(獨立空間)就唔會死，例如B會被稱為「兩眼活」。注意C同D算係兩塊棋，佢地連埋時其實會得返一隻眼，所以都係可以食。
- 圍棋行到最後，會係大家都唔想行，因為再行就會被人食／逼死自己。如果用數子法#去計，左邊有六隻黑棋，圍住七個空點，加埋就係十三分。白棋只有十二分，所以就係黑棋贏。(比賽規則複雜少少，將來再講)
*猜子由水平高或年紀大嘅人，拎一堆白棋係手，遮住放係棋盤。對方估入面係單數定雙數棋，估單放一隻，估雙放兩隻，估中可以揀先後。
#數子法只係其中一個方法，仲有其他方法，有機會將來再講。